ಸರ್ಚ್ ಎಂಜಿನ್ ಆಪ್ಟಿಮೈಜೆಶನ್

ಸರ್ಚ್ ಎಂಜಿನ್ ಆಪ್ಟಿಮೈಜೆಶನ್ | SEO ಕಲಿಕೆ

ಅತಿ ಹೆಚ್ಚು ಉದ್ಯೋಗಾವಕಾಶ ನೀಡುವ ಕೋರ್ಸ್‌ಗಳ ಪೈಕಿ ತೆರೆಮರೆಯ ಕಾಯಿಯಂತೆ ಕೆಲಸ ಮಾಡುತ್ತಿರುವುದು ಸರ್ಚ್‌ ಎಂಜಿನ್‌ ಆಪ್ಟಿಮೈಸೇಶನ್‌ (ಎಸ್‌ಇಒ) ಶಿಕ್ಷಣ. ಉದ್ಯಮವೊಂದಕ್ಕೆ ಹೆಚ್ಚಿನ ವಿಸಿಬಿಲಿಟಿ ನೀಡುವ ಈ ಕೋರ್ಸ್‌ ಈಗ ಹೆಚ್ಚು ಜನಪ್ರಿಯವಾಗುತ್ತಿದೆ.

ಅಂತರ್ಜಾಲದ ಮೂಲಕ ಉದ್ಯಮವೊಂದನ್ನು ಮನೆ ಮನೆಗೆ ತಲುಪಿಸುವ ಕೆಲಸ ಮಾಡುವುದು ಎಸ್‌ಇಒ. ಆನ್‌ಲೈನ್‌ ಮತ್ತು ಆಫ್‌ಲೈನ್‌ನಲ್ಲಿ ಇದನ್ನು ಕಲಿಯಲು ಅವಕಾಶವಿದೆ. ಕೀ ವರ್ಡ್‌ ಮ್ಯಾನೇಜ್‌ಮೆಂಟ್‌, ರಿಸರ್ಚ್‌, ಆನ್‌-ಆಫ್‌ ಪೇಜ್‌ ಆಪ್ಟಿಮೈಸೇಶನ್‌, ವೆಬ್‌ಸೈಟ್‌ ಮ್ಯಾನೇಜ್‌ಮೆಂಟ್‌, ಲಿಂಕ್‌ ಬಿಲ್ಡಿಂಗ್‌, ಯುಆರ್‌ಎಲ್‌ ಮ್ಯಾನೇಜ್‌ಮೆಂಟ್‌, ಪ್ಲಾನಿಂಗ್‌ ಆಂಡ್‌ ಮಾರ್ಕೆಟಿಂಗ್‌ ವೆಬ್‌ಸೈಟ್‌ ಮತ್ತು ಅನಲೈಟಿಕ್ಸ್‌ ಮೊದಲಾದ ಅಂಶಗಳನ್ನು ಇದರಲ್ಲಿ ಅಧ್ಯಯನ ಮಾಡಲಾಗುತ್ತದೆ.

ಎಸ್‌ಇಒಬ್ರಾಂಡ್‌ ಬಿಲ್ಡಿಂಗ್‌: ಪ್ರಮುಖವಾಗಿ ತೀವ್ರ ಸ್ಪರ್ಧೆ ನೀಡುವ ಇನ್ನೊಂದು ವೆಬ್‌ಸೈಟ್‌ ಅಥವಾ ವೆಬ್‌ಪೇಜ್‌ನಿಂದ ಪ್ರತ್ಯೇಕವಾಗಿ ಕಾಣುವಂತೆ ಮಾಡಿ ಗ್ರಾಹಕರನ್ನು ಆಕರ್ಷಿಸುವುದು ಇದರ ಗುರಿ. ಈ ಮೂಲಕ ತಮ್ಮ ಉತ್ಪನ್ನಕ್ಕೆ ಉನ್ನತ ಬ್ರಾಂಡ್‌ ಬಿಲ್ಡಿಂಗ್‌ ಮಾಡಬೇಕಾಗುತ್ತದೆ. ಇದರಲ್ಲಿ ಮುಖ್ಯವಾಗಿ ಸರ್ಚ್‌ ಎಂಜಿನ್‌ ಆಪ್ಟಿಮೈಸೇಶನ್‌ನ ಆಧುನಿಕ ಕೌಶಲ್ಯ, ವೆಬ್‌ಪೇಜ್‌ನ ವಿಸಿಬಿಲಿಟಿ ಹೆಚ್ಚಿಸುವ ಮೂಲಕ ಹೊಸ ಗ್ರಾಹಕರನ್ನು ಆಕರ್ಷಿಸುವುದು, ಯಾವ ರೀತಿ ಸರ್ಚ್‌ ಎಂಜಿನ್‌ ಕೆಲಸ ಮಾಡುತ್ತದೆ ಎಂಬುದನ್ನು ಅರಿತುಕೊಳ್ಳುವುದು, ಬಹು ಸ್ತರ ಸಂಶೋಧನೆ ವಿಧಾನದ ಕಲಿಕೆ, ವೆಬ್‌ಸೈಟ್‌ನ್ನು ಯಶಸ್ವಿಯಾಗಿ ಮಾರ್ಕೆಟ್‌ ಮಾಡಲು ಸಂಶೋಧನಾ ಪರಿಕಲ್ಪನೆಗಳನ್ನು ಬಳಸಿಕೊಳ್ಳುವುದು, ಸಮಸ್ಯೆಗಳು ಎದುರಾದರೆ ಅವುಗಳಿಗೆ ಪರಿಹಾರ ಸೇರಿದಂತೆ ಹಲವಾರು ಅಂಶಗಳನ್ನು ಇದರಲ್ಲಿ ಕಲಿಸಲಾಗುತ್ತದೆ.

ಮಾನ್ಯತೆ ಪಡೆದ ಕೋರ್ಸ್‌: ಈಗ ಜಗತ್ತಿನೆಲ್ಲೆಡೆ ಎಸ್‌ಇಒ ಮಾನ್ಯತೆ ಪಡೆದ ಉದ್ಯೋಗವಾಗಿ ಪರಿಗಣಿಸಲ್ಪಡುತ್ತಿದೆ. ಉದ್ಯಮದ ಎಲ್ಲಾ ಕ್ಷೇತ್ರಗಳಲ್ಲೂ ಇದರ ಅಗತ್ಯವಿರುವುದರಿಂದ ಎಸ್‌ಇಒಗಳ ಬೇಡಿಕೆ ದಿನೇ ದಿನೇ ಹೆಚ್ಚುತ್ತಿದೆ. ಗೂಗಲ್‌, ಯಾಹೂ, ಬಿಂಗ್‌ ಇತ್ಯಾದಿಗಳನ್ನು ಅವಲಂಬಿಸಿ ಆಪ್ಟಿಮೈಸ್‌ ಮಾಡುವ ಎಸ್‌ಇಒ ಒಂದು ಕಲೆ ಮತ್ತು ವಿಜ್ಞಾನ ಎರಡನ್ನೂ ಒಳಗೊಂಡ ಉದ್ಯೋಗವಾಗಿದೆ. ಅಂದರೆ ಕೋಡ್‌, ಇನ್‌ಫಾರ್ಮೇಶನ್‌ ಆರ್ಕಿಟೆಕ್ಚರ್‌ ಮತ್ತು ಯೂಸರ್‌ ಎಕ್ಸ್‌ಪೀರಿಯನ್ಸ್‌ ಮೊದಲಾದ ವಿಜ್ಞಾನ ಮತ್ತು ತಂತ್ರಜ್ಞಾನ ಆಧರಿತ ಮಾಹಿತಿ ಜೊತೆಗೆ ಉದ್ಯಮವೊಂದನ್ನು ಬೆಳೆಸುವುದು, ಗ್ರಾಹಕರ ನಡವಳಿಕೆಯನ್ನು ಗುರುತಿಸಿ ಮೌಲ್ಯಮಾಪನ ಮಾಡುವುದು ಸೇರಿದಂತೆ ಕಲೆಯನ್ನು ಇದು ಪ್ರತಿಪಾದಿಸುತ್ತದೆ.

ಉತ್ತಮ ಉದ್ಯೋಗ: ಹಲವು ಕಂಪನಿಗಳು ವೆಬ್‌ ಡಿಸೈನಿಂಗ್‌ ಮತ್ತು ಎಸ್‌ಇಒ ಎರಡೂ ಅರ್ಹತೆ ಇರುವ ಉದ್ಯೋಗಿಗಳಿಗೆ ಆದ್ಯತೆ ನೀಡುತ್ತವೆ. ಯಾವಾಗಲೂ ತಮ್ಮ ವೆಬ್‌ಸೈಟ್‌ ಎಸ್‌ಇಒ ಸ್ನೇಹಿ ಆಗಿರಬೇಕು ಎನ್ನುವುದು ಇದರ ಹಿಂದಿನ ಉದ್ದೇಶ. ವೆಬ್‌ ಡಿಸೈನಿಂಗ್‌ ಮತ್ತು ಎಸ್‌ಇಒ ಎರಡರಲ್ಲೂ ಪರಿಣತಿ ಇದ್ದರೆ ಉತ್ತಮ ಉದ್ಯೋಗಾವಕಾಶ ಸಿಗುವುದರಲ್ಲಿ ಸಂದೇಹವಿಲ್ಲ. ಇನ್ನೊಂದೆಡೆ, ವೆಬ್‌ ಡಿಸೈನ್‌, ಡೆವಲಪ್‌ಮೆಂಟ್‌ ಮತ್ತು ವೆಬ್‌ ಅಡ್ಮಿನಿಸ್ಪ್ರೇಷನ್‌ಗಳಿಗೆ ಹೋಲಿಸಿದರೆ ಹಲವರಿಗೆ ಎಸ್‌ಇಒ ತೀರಾ ನಿರಾಸಕ್ತಿದಾಯಕ ಕೆಲಸ ಎಂದೆನಿಸಬಹುದು. ಆದರೆ ಎಸ್‌ಇಒಗಳಿಂದ ಕಲಿಯಲು ಸಾಕಷ್ಟು ವಿಚಾರಗಳಿವೆ. ಆದ್ದರಿಂದಲೇ ಇದೊಂದು ಉದ್ಯೋಗ ಎಂಬ ಮಾನ್ಯತೆಯನ್ನು ಎಲ್ಲೆಡೆ ಪಡೆದಿದೆ. ಫ್ಲಿಪ್‌ಕಾರ್ಟ್‌, ಸ್ನಾಪ್‌ಡೀಲ್‌, ಕೆಎಫ್‌ಸಿ ಮೊದಲಾದ ಆನ್‌ಲೈನ್‌ ವ್ಯಾಪಾರ ವೆಬ್‌ಸೈಟ್‌ಗಳು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಎಸ್‌ಇಒಗಳಿಗೆ ಸಾಕಷ್ಟು ಬೇಡಿಕೆ ಇದೆ. ಅಂದರೆ ಡಿಜಿಟಲ್‌ ಮಾರ್ಕೆಟಿಂಗ್‌ ಕ್ಷೇತ್ರದಲ್ಲಿ ಇಂತಹವರಿಗೆ ಸಾಕಷ್ಟು ಅವಕಾಶಗಳಿವೆ.

ಬೆಳವಣಿಗೆಗೆ ಅವಕಾಶ: ವರ್ಷದಿಂದ ವರ್ಷಕ್ಕೆ ಸರ್ಚ್‌ ಎಂಜಿನ್‌ ಬಳಕೆ ಹೆಚ್ಚುತ್ತಿದೆ. ಇದು ಎಸ್‌ಇಒಗಳಿಗೆ ಹೆಚ್ಚಿನ ಅವಕಾಶ ಒದಗಿಸಲು ನೆರವಾಗುತ್ತದೆ. ಇನ್ನು ದೊಡ್ಡ ಬ್ರಾಂಡಿನ ಜಾಹೀರಾತು ಕಂಪನಿಗಳು ದೇಶೀಯವಾಗಿ ಮತ್ತು ಅಂತರಾಷ್ಟ್ರೀಯ ಮಟ್ಟದಲ್ಲಿ ಎಸ್‌ಇಒ ಬಗ್ಗೆ ಹೆಚ್ಚು ಒತ್ತು ನೀಡುತ್ತಿವೆ. ಎಸ್‌ಇಒಗಳನ್ನು ಬಳಸಿಕೊಳ್ಳುತ್ತಿರುವ ಸಾಂಪ್ರದಾಯಿಕ ಹಾಗೂ ನೇರ ಮಾರುಕಟ್ಟೆದಾರರ ಸಂಖ್ಯೆ ಹೆಚ್ಚುತ್ತಿದೆ. ಗೂಗಲ್‌ನಲ್ಲಿ ಆರ್ಗಾನಿಕ್‌ ಎಸ್‌ಇಒ ಲಿಸ್ಟಿಂಗ್‌ನಿಂದಾಗಿ ಜಾಹೀರಾತುಗಳಿಗಿಂತಲೂ ಇವು ಹೆಚ್ಚು ವಿಶ್ವಾಸಾರ್ಹ ಎಂಬ ಹೆಗ್ಗಳಿಕೆ ಪಡೆದುಕೊಳ್ಳುತ್ತಿವೆ. ಈ ಎಲ್ಲಾ ಕಾರಣಗಳಿಂದ ಎಸ್‌ಇಒ ಬೆಳವಣಿಗೆಗೆ ಅಪಾರ ಅವಕಾಶ ಒದಗಿ ಬಂದಿದೆ. ಆರಂಭಿಕ ಹಂತದಲ್ಲಿ ಭಾರತದಂತಹ ದೇಶಗಳಳ್ಲಿ ವಾರ್ಷಿಕ 1.8 ಲಕ್ಷದಿಂದ 4 ಲಕ್ಷ ರೂ. ವೇತನ ಸಿಗುತ್ತದೆ. ಅನುಭವ ಹೆಚ್ಚಿದಂತೆ ಉದ್ಯೋಗಿಗಳ ಕೌಶಲ್ಯವನ್ನು ಆಧರಿಸಿ ವೇತನ ಹೆಚ್ಚಾಗುತ್ತದೆ. ಎಸ್‌ಇಒ ಉದ್ಯೋಗದಲ್ಲಿ ಹಲವಾರು ವಿಭಾಗಗಳಿವೆ. ಮುಖ್ಯವಾಗಿ ಅನಲೈಸಿಸ್ಟ್‌, ಬಿಸ್ನೆಸ್‌ ಮ್ಯಾನೇಜ್‌ಮೆಂಟ್‌/ಡೆವಲಪ್‌ಮೆಂಟ್‌, ಲಿಂಕ್‌ ಬಿಲ್ಡಿಂಗ್‌, ಈವೆಂಟ್‌ ಮ್ಯಾನೇಜ್‌ಮೆಂಟ್‌, ಆರ್ಗಾನಿಕ್‌ ಸರ್ಚ್‌ ಎಂಜಿನ್‌ ಆಪ್ಟಿಮೈಸೇಶನ್‌, ಸೋಶಿಯಲ್‌ ಮೀಡಿಯಾ ಅನಲೈಸಿಸ್ಟ್‌, ವೆಬ್‌ ಡೆವಲಪ್‌ಮೆಂಟ್‌ / ಪ್ರೋಗ್ರಾಮಿಂಗ್‌, ವೆಬ್‌ ಡಿಸೈನ್‌, ಆಫ್‌ಲೈನ್‌ ಮಾರ್ಕೆಟಿಂಗ್‌ / ಅಡ್ವರ್ಟೈಸಿಂಗ್‌, ಪಬ್ಲಿಕ್‌ ರಿಲೇಶನ್ಸ್‌, ರೆಪ್ಯುಟೇಶನ್‌ ಮ್ಯಾನೇಜ್‌ಮೆಂಟ್‌, ಪೇಯ್ಡ್‌ ಸರ್ಚ್‌, ಪಿಪಿಸಿ ಮ್ಯಾನೇಜ್‌ಮೆಂಟ್‌, ವೆಬ್‌ ಡಿಸೈನ್‌, ರೈಟಿಂಗ್‌, ಬ್ಲಾಗಿಂಗ್‌ ಮೊದಲಾದವುಗಳಿವೆ.

https://vijaykarnataka.indiatimes.com/lavalavk/education/scope-for-seo-study/articleshow/61322177.cms

ಇವುಗಳೂ ನಿಮಗಿಷ್ಟವಾಗಬಹುದು

ಒಂದು ಸಣ್ಣ QR ಕೋಡ್ ಹೇಗೆ ನೀಡುತ್ತೆ ಅಷ್ಟು ಮಾಹಿತಿ ! ನಿಮಗೆ ಗೊತ್ತೆ ?

ಇಂದು ಡಿಜಿಟಲೀಕರಣ ಎಂಬುದು ಜಗತ್ತಿನಾದ್ಯಂತ ಪ್ರತಿಧ್ವನಿಸುತ್ತಿದೆ. ಸಣ್ಣಪುಟ್ಟ ಕೆಲಸಗಳಿಂದ ಹಿಡಿದು ಬ್ಯಾಂಕಿಂಗ್ ವಹಿವಾಟಗಳನ್ನು ಇಂದು ಡಿಜಿಟಲ್ ತಂತ್ರಜ್ಞಾನದ ಮೂಲಕ ಮಾಡಬಹುದು. …

Leave a Reply

Your email address will not be published. Required fields are marked *